دَآووُدْ بَآشَآ ،، كَبآبْ هِندِيْ

[b style="color: rgb(139, 0, 0); font-family: 'Times New Roman'; font-size: medium;"]دى اكله جديدة وجميلة انا قرائتها فى منتدى وجربتها وهيا فعلا تحفه وهيا قريبة من كفته داود باشا واسما كباب هندي[/b]

نبدأ بقى مع بعضينا

المقادير لشخصين:
ربع كيلو لحمة مفرومة
بصلة متوسطة مفرومة او مبشورة
فلفل اسود
بهارات
زيت للتحمير
عصير حوالى 4 طماطمات
بصلة تانية متوسطة ومفرومة برضة
جزرة مبشورة
كركم
فلفل اسود تانى
ملح

الطريقة:
هنجيب اللحمة ونحط عليها البصلة الاولانية والفلفل والبهارات ونقلبهم كويس ونسيبها تتبل شوية
هنقطعها كور ونحمرها فى الزيت لحد مايبقى لونها بنى فاتح كدة ونشيلها من الزيت ونصفيها على مناديل مطبخ
هنجيب بقى حلة ونحط فيها البصلة التانية ونصفرها فى شوية زيت ونضيف حوالى نص معلقة شاى كركم ونقلب وبعدين نحط الجزر ونقلب برضة
هنحط عليهم الطماطم والفلفل الاسود ونسيبها تتسبك
هنجيب كرات اللحمة ونحطها على الخلطة الجهنمية دى ونقلب وبعدين نحط حوالى كوباية مية واول ماتغلى نوطى عليها النار خالص ونسيبها تستوى وبعدين نحط الملح قبل النضج بحاجة بسيطة
وتقدم مع الارز بالشعرية والسلطة الخضرا

مش عايزة اقولكم على طعمها بجد تححححححححفة وهتلاقوا نفسكوا بتسيبوا الكفتة وتاكلوا الصلصة بس طبعا دى كلمة مجازية

مممممممممممم لذييذ
شكرااا